Jogi Ji Tere Kundlu Kundlu Bal

जोगी जी तेरे कुण्डलु कुण्डलु, बाल मोर सवारी करदे हो , बाबा जी तेरे कुण्डलु कुण्डलु बाल, मोर सवारी करदे हो !! 

बाबा जी तुसा शक्ति दे अवतार, वेडे पार करदे हो , बाबा जी तेरे कुण्डलु कुण्डलु बाल मोर सवारी करदे हो , जोगी जी जी तेरे कुण्डलु कुण्डलु बाल मोर सवारी करदे हो !! 

बाबा जी तेरी लीला अपरंपार, दुखड़े सबदे हरदे हो ,बाबा जी तेरे कुण्डलु कुण्डलु बाल मोर सवारी करदे हो, जोगी जी जी तेरे कुण्डलु कुण्डलु बाल मोर सवारी करदे हो !! 

बाबा जी संजो दियो चरणा दा प्यार, नित ना तेरा जपदे ओ , जोगी जी जी तेरे कुण्डलु कुण्डलु बाल मोर सवारी करदे हो , बाबा जी तेरे कुण्डलु कुण्डलु बाल मोर सवारी करदे हो !! 

बाबा जी तेनु पुजे सारा संसार, झोलिया सबदी भरदे हो , जोगी जी जी तेरे कुण्डलु कुण्डलु बाल मोर सवारी करदे हो , बाबा जी तेरे कुण्डलु कुण्डलु बाल मोर सवारी करदे हो !! 

Busa Ch Aiyo Teri Yad Photo Rahi Gya Tere Kumre

बसा च आईओ तेरी याद फोटो रही गया तेरे कमरे , बसा च आईओ तेरी याद फोटो रही गया तेरे कमरे !!

तेरी तेरी खातिर खाना बनाया , तेरी तेरी खातिर खाना बनाया , खानदे खानदे आईओ तेरी याद फोटो रही गया तेरे कमरे, बसा च आईओ तेरी याद फोटो रही गया तेरे कमरे !!

तेरी तेरी खातिर पानी मंगाया,  पिन्दे पिन्दे आईओ तेरी याद फोटो रही गया तेरे कमरे, बसा च आईओ तेरी याद फोटो रही गया तेरे कमरे !!

तेरी तेरी खातिर कपडे मंगाए , पानदे पानदे आईओ तेरी याद फोटो रही गया तेरे कमरे, बसा च आईओ तेरी याद फोटो रही गया तेरे कमरे !!

तेरी तेरी खातिर सेज सजाई , सुपने च आईओ तेरी याद फोटो रही गया तेरे कमरे, बसा च आईओ तेरी याद फोटो रही गया तेरे कमरे !!

Chane Di Dali Ch Khuya Bhabiye Der Jahar Dei Marya

चने दी दाली च खुआया भाबिये, देर जहर देइ मारया ! चने दी दाली च खुआया भाबिये, देर जहर देइ मारया !!

मोटिये वेदे ते सल्फिया मंगाया,  मोटिये वेदे ते सल्फिया मंगाया  ! ओ चने दी दाली च खुआया भाबिये, देर जहर देइ मारया !!

पंजा शता मुंडया ते लाश चुकवाई , पंजा शता मुंडया ते लाश चुकवाई ! ओ भेड़ुए दी आली च दबाया भाबिये, देर जहर देइ मारया ! चने दी दाली च खुआया भाबिये, देर जहर देइ मारया !!

छम छम बडी भाभी जे रोन्दि, छम छम बडी भाभी जे रोन्दि ! कनून दे हथ बड़े लम्बे भाबिये, देर जहर देइ मारया ! चने दी दाली च खुआया भाबिये, देर जहर देइ मारया !!

थुरल ग्रायें बीच केस जे होया , थुरल ग्रायें च केस जे होया हो ! पालमपुर ठाणे बुलाया भाबिये, देर जहर देइ मारया ! चने दी दाली च खुआया भाबिये, देर जहर देइ मारया !!

Dade Diye Beriye Ni Sokni tu Meriye , Tijo Per Duli Gya Ho Miyan Jasrotiya

डाडे दी बेड़िये , नी सोकनी तू मेरिये , तीजो पर डुली गया हो मियां जसरोटिया  !! 
ओ तंद नईयो टुटदी , पुनि नाईयो मुकदी , सस नईयो बोल्दी की पाण्यिो जो जेना ओ , कुणी चादर दिति है कुणी चादर सीती  है कुणी ओतए डोळ्या जी अतर पलेल बो !! डाडे दी बेड़िये , नी सोकनी तू मेरिये , तीजो पर डुली हो गया मियां जसरोटिया  !! 

अम्मा चद्र दिति है बाभो चद्र सीती है ,भाई जी ने डोळ्या जी अतर पलेल बो , हो तंद भी टूटी गयी है , पुनि जली मुकी गयी है ससु जी ने कहा बो पानी जो जाया , डाडे दी बेड़िये , नी सोकनी तू मेरिये , तीजो पर डुली गया हो मियां जसरोटिया  !! 

ओ डूब गडोलुआ सिरे दी बेरिया साजन निहाल्दिया निम्बुए दी हेठ बो , इक मन बोल्दा नदिया च डुबी मरा , दूजा मन बोल्दा जी ब्लडी ब्रेष बो !! डाडे दी बेड़िये , नी सोकनी तू मेरिये , तीजो पर डुली गया हो मियां जसरोटिया  !! 

ओ अम्मा मेरी रोन्दि बापू मेरा चुरदा  भाई मेरा तोपदा नदिया दी फेर बो, इक बख खाई लिया जल दिया जलकिया,  दुआ बख रही गया सपड़े दी हेठ बो, डाडे दी बेड़िये , नी सोकनी तू मेरिये , तीजो पर डुली गया हो मियां जसरोटिया  !! 

कांगड़े दिया उचिया रिडिया बंसरी बजे ओ

कांगड़े दिया उचिया रिडिया बंसरी बजे ओ ..डंगरेया जो चारदा राँझु मिंजो सदे बो ..कांगड़े दिया उचिया रिडिया बंसरी बजे ओ!! 

चुक्या गडोलु गोरी पाणिये चली , चुक्या गडोलु गोरी पाणिये चली, बांसिया दी तान मेरे दिले !! कांगड़े दिया उचिया रिडिया बंसरी बजे ओ .. डंगरेया जो चारदा राँझु मिंजो सदे बो !! 

रख्या गडोलु पाणी घरे जाइ के , रख्या गडोलु पाणी घरे जाइ के, अम्मा जो गलाया आई कम कमाई के, कांगड़े दिया उचिया रिडिया बंसरी बजे ओ .. डंगरेया जो चारदा राँझु मिंजो सदे बो!! 

सजना ने मिली गोरी धारा जाइ के , ब्याई करी ले जा घरे आई के , कांगड़े दिया उचिया रिडिया बंसरी बजे ओ .. डंगरेया जो चारदा राँझु मिंजो सदे बो!! 

संजा भी गोरी चम चम घर आई है , ले जानी राँझुए ब्याई करी , कांगड़े दिया उचिया रिडिया बंसरी बजे ओ .. डंगरेया जो चारदा राँझु मिंजो सदे बो!!

चम्बा बार के नदिया पार , चम्बा बार के नदिया पार ,आबो लाल रंगिये !!

चम्बा बार के नदिया पार , चम्बा बार के नदिया पार ,आबो लाल रंगिये !!

चम्बा दो नदिया बिचकार , आबो लाल रंगिये , चम्बा दो नदिया बिचकार ,आबो लाल रंगिये !!

ओ पेरा तेरे मोचड़ुआँ रे जोड़,  आबो लाल रंगिये , पेरा तेरे मोचड़ुआँ रे जोड़ , आबो लाल रंगिये  चम्बा बार के नदिया पार , आबो लाल रंगिये !!

ढका तेरे घागुरे रे पेड़ , आबो लाल रंगिये , ढका तेरे घागुरे रे पेड़, आबो लाल रंगिये, चम्बा बार के नदिया पार , आबो लाल रंगिये!!

ओ हथा तेरे रेशमी रुमाल , आबो लाल रंगिये , हथा तेरे रेशमी रुमाल , आबो लाल रंगिये, चम्बा बार के नदिया पार, आबो लाल रंगिये!! !!

ओ मथे तेरे बिंदलु है लाल ,  आबो लाल रंगिये , मथे तेरे बिंदलु है लाल, आबो लाल रंगिये,  चम्बा बार के नदिया पार ,आबो लाल रंगिये!!!!

ओ राजा घोड़े ते सवार , आबो लाल रंगिये, ओ राजा घोड़े ते सवार, आबो लाल रंगिये, चम्बा बार के नदिया पार , आबो लाल रंगिये!!!!

ओ छैल तेरा चम्बे रा चौगान, आबो लाल रंगिये, ओ छैल तेरा चम्बे रा चौगान, आबो लाल रंगिये , चम्बा आर के नदिया पार, आबो लाल रंगिये!!!!

ओ चम्बा दो नदिया बिचकार ,आबो लाल रंगिये !! ओ चम्बा आर के नदिया पार, आबो लाल रंगिये!!!!

कुछ सेलडिया कुछ पिलड़ियाँ ओ ओ

कुछ सेलडिया कुछ पिलड़ियाँ ओ ओ  , लेई बंजारा आया लेई दे डोला बंगड़ियाँ ,
बांबा मोटड़िया , बंगा छोटड़िया ओ ओ , सोए दी बिक्दिया चार लेई दिनगा बंगड़ियाँ ,
टोला मेरडिया , टोला मेरडिया ओ ओ, चली पोया जमुए सहर लेई दिया बंगड़ियाँ ,
जानी ओ मेरडिये, जानी मेरडिये , चली पोया जमुए सहर लेई दिनगा बंगड़ियाँ  ,
चोला रेडदिया , चोला रेडदिया ओ ओ , छजडू पटाके मारे भजी गईआं बंगड़ियाँ ,
चोला रेडदिया , ओ  चोला रेडदिया ओ , तेरा छजडू पटाके मारे भजी गईआं बंगड़ियाँ ,
जानी मेरडिये, ओ जानी मेरडिये, सोई जाण्याँ बखिया दे भार, नी भजदिया बंगड़ियाँ,
कुछ सेलडिया कुछ पिलड़ियाँ ओ ओ  , लेई बंजारा आया लेई दे डोला बंगड़ियाँ , लेई दे डोला बंगड़ियाँ , लेई दिनगा बंगड़ियाँ !!!

पल भर पल भर बई लेणा बो जिन्दे

इस बो बड़ोटू री छाबा छाबा ,इस बो बड़ोटू री छाबा छाबा , पल भर पल भर बई लेणा बो जिन्दे !! हरिपुर नूरपुर ठंडियां जे छाबा, बीच ब्लोचा दा खाना खाना !! पल भर पल भर बई लेणा बो जिन्दे !! मंडिया सकेता दे सोणे सोणे राजे, दिखने दा लगी जाँदा चा बो जिन्दे !! पल भर पल भर बई लेणा बो जिन्दे !! इस बो बड़ोटू री छाबा छाबा ,इस बो बड़ोटू री छाबा छाबा , पल भर पल भर बई लेणा बो जिन्दे !!

Horna Patna himachali song

होरना पतना इको इक बैडी जी,चम्बे पतने जानी दो बेड़िया

Adhi tole bali janjhr hile

अधी तोले बाली झांजर हिले, डुले हो अधी तोले बाली ,

Kesa lga goryie pahade da basna

केसा लगा गोरिये पहाड़े दा बसना , केसा लगा गोरिये पहाड़े दा बसना , 
दिल लूटी ले गया तेरा हसना ... पहाड़ा दे मनुख जेडा सच बोलदे दिल बाला भेद सारा खोलदे ..केसा लगा गोरिये पहाड़े दा बसना , दिल लूटी ले गया तेरा हसना...दिल लाना होन्दा नी आसान गोरिये, बड़ा डाडा (मुश्किल) होन्दा प्यार छोरिये ....केसा लगा गोरिये पहाड़े दा बसना , दिल लूटी ले गया तेरा हसना.. पिपले दा बूटा ऊपर कुकु बोल्दा , अबे तेरी याद मेरा मन डोल्दा ..केसा लगा गोरिये पहाड़े दा बसना ,  दिल लूटी ले गया तेरा हसना..पई जांदे तीजो घर बार छडने , बदनामी बाले इल्जाम लगने ....केसा लगा गोरिये पहाड़े दा बसना , दिल लूटी ले गया तेरा हसना..करी लेनी पहाड़ा दी सैर गोरिये , जी भरी गला करी ले छोरिये..केसा लगा गोरिये पहाड़े दा बसना , दिल लूटी ले गया तेरा हसना..अज दे बिछड़िया कदो मिलना, तेरा बजो मेरा दिल नाईओ लगना .केसा लगा गोरिये पहाड़े दा बसना , दिल लूटी ले गया तेरा हसना..दिल लूटी ले गया तेरा हसना..दिल लूटी ले गया तेरा हसना..दिल लूटी ले गया तेरा हसना !!

काला घगरा सियाई के, ओ धोबण पाणीये जो चल्ली है मैं तेरी सो

काला घगरा सियाई के, ओ धोबण पाणीये जो चल्ली है मैं तेरी सो. मत जांदी धोबणे तू मेरिये ओथु राजेयाँ डा डेरा है मैं तेरी सो. धोबणे घड़ा सिरे चुकया धोबण पानीये जो गयी है मैं तेरी सो. पहलिया पोडिया उत्तरी, राजे गिट्टूये दी मारी है मैं तेरी सो. दूजिया पोडिया उत्तरी ओ राजें बांह फड लई है मैं तेरी सो छड़ी देयां राजेंया बाईं जो, ओ मेरी जात कमीनी है मैं तेरी सो. जाती दा मैं क्या करना ओ तेरी सूरत बड़ी सोणी है मैं तेरी सो. आगे आगे राजा चल्या पीछे धोबणी दा डोला है मैं तेरी सो. खबर करो महलां रानिया तेरी सोतन भी आई है मैं तेरी सो. आई है ता ओणा दे मैं भी बसणा दी है मैं तेरी सो अपु बैठी रानी पलगें धोबण पन्दी पर बिठाई है मैं तेरी सो. कालियां पिन्नियां बणाइयां बिच जहर मिलाया है मैं तेरी सो. खाई लेयां धोबणे तू पिन्नियां' बाजी प्योकियाँ ते आई है मैं तेरी सो. पहली पीनी खायी है धोबणी ओ धोबण मूंदे मुन्हे पयी है मैं तेरी सो. दूजी पिन्नी खायी है धोबणी, धोबण मरी मुक्की गयी है मैं तेरी सो. चन्नणे दी सेज बनाई के धोबण नदिया रड़ाई है मैं तेरी सो. आगे धोभी कपडेयां धोम्दा' पासे सेज रूडदी आई है मैं तेरी सो. सेज गुआडी करी दिखया मेरी धोबन रूडदी आई है मैं तेरी सो. सोनी सूरत वालिये कजो जान गुआई है मैं तेरी सो।

हुंण वो कतायें जो नसदा वो धुडुआ

हुंण वो कतायें जो नसदा वो धुडुआ बापुएं लडें तेरे ओ लायी रिडिया ता रिडिया धुडू भला नसदा नालें ता खोलें गौरां तोपदी कजो वो कुआरी बाबुल दे घरें अज वो ब्याइयाँ कजो भला छोडदा गौरां ता गोरां हक्कां वो लाइयाँ ळ गोरां ता हक्का ना वो सुनदी मगरियां चालीं चल मेरे धुडुआ नाजुक पैरां छाले ओ आये छन्द छन्द धुडुआ भाली ओ लयां नाजुक लत्ता ना चलदी मलिया रा कूड़ा मलिया सुटना ना तेरी धीयाँ ना तेरी जोतनी असं भला होंदे मलिया रे जोगी तू ता हुंदी राजे दे बेटी उचेयाँ कैलाशा शिव मेरा बसदा कुन वो ग्लांदा गौरां नी बसदा हुंण वो कतायें जो नसदा वो धुडुआ बापुएं लडें तेरे ओ लायी

मारी जे ल्यंदा सैले बागे दा मोर

भरियाँ बंदूकां राजा होया तैयार मारी जे लैणा सैले बागे दा मोर न तुसां मारे ओ राजा चिड़ियाँ तोते न तुसां मारे ओ सैले बागे दा मोर क्या ता लगदे ओ राणी चिड़ियाँ तोते क्या ता लगदा सैले बागे दा मोर सासु दे जाये राजा चिड़ियाँ तोते अम्मा दा जाया सैले बागे दा मोर भारियां बंदूकां राजें खेल्या शकार मारी जे ल्यंदा सैले बागे दा मोर उठो जी राणी करयो रसो अव्वल बनायो सैले बागे दा मोर बखिया भी पेड सिरे भी पेड मेते नी बंणदा सैले बागे दा मोर उठो जी राणी तुसां खाई लो रसो छैल बणाया सैले बागे दा मोर उत्त्चे ते छड़ी की रानिये दीती है छाल जान गुआणी ओ वीरा तेरे ही नाल

रुल्हा दी कूल्हा

सुते जे राणे ओ राती सुपणा जे होया ..सुते जे राणे ओ राती सुपणा जे होया ...रुल्हा दी कूल्हा बो बल ले बो लेनी ..अदि अदि हो राती राणे हुकुम जो करएा ..अदि अदि हो राती राणे हुकुम जो करएा... रुल्हा दी कूल्हा जात्रा जाइ बो रहिया ...लिख्या जो बरवाना सोरे नुआं जो भेज्या.. .लिख्या जो बरवाना सोरे नुआं जो भेज्या.... रुल्हा दी कूल्हा जात्रा जाइ बो रहिया... दिए दी लोई गोरी कागज पडया.....दिए दी लोई गोरी कागज पडया.. नैना ते चम चम रोइ बो रही है .. नैना ते चम चम रोइ बो रही है | चुक्या घडोलु पाणी जो चली है ..चुक्या घडोलु गोरी पाणी जो चली है.. रीडा ता बोले बेरी का बो ..तू कजो बोल्दा भाईया बने दे पंछियो.. सोरे दा लिख्या मिंजो मिली बो गया.. दिया ने माये ओ मेरे अंगे दे कपडे ..दिया ने माये ओ मेरे अंगे दे कपडे... रुल्हा दी कूल्हा बो जात्रा जाइ रही बो .. अज मत जांदी बो जानी मेरिये बेटिए धीये.... मंगलबार बो करड़ा होन्दा ... ससु दा लिख्या हुँदा हुन मोड़ी भेजदी ..सोरे दा लिख्या बो किन मोड़ना ,.. चारा कहारा ने डोला जे पिड़या ..गोरी ता छम छम रोइ रही है ...लता भी चिन्या लके भी चिन्या बो भाइयो .लता भी चिन्या लके भी चिन्या बो भाइयो ..मुंडे ठेस मत लाई बो रेह्न्दे ..इस ता बता मेरे मापये ने लंगना ..जांदी ता बार गल मिली बो लईऐ ....लके भी चिनयो ..मुंडे भी चिनयो भाईओ मुह जो ठेस मत लगान्दे बो .. इस ता बता मेरे पंते ने लंगना .. घड़ी भर गल करी बो लेनी ... सोर्या जो मिलनी नुआं और भात्र्यिां ..माप्या जो दी नहीई मिलणी ...रुल्हा दी कूल्हा बो बल ले बो लेइ ...